Thursday, March 12, 2009

Main Kusum

pichele dino mujhe ek bariha compliment mila
facebook pe ek saheli ne kahaa
kusumji you look very feminine and so indian”
ispe bahut khushi hui.

indian hone pe mujhe garv hain. shuru se.
jab Main college me thi, tab ek baar femina se best letter ke rs. 25 bhi mile the.
us chhithi mein Maine likha tha ki mere chehera truly indian tha kyon ki log yeh nahi pehchaan paate the ki Main sindhi hoon. koi punjabi/ maharshtran/ bengali to koi mussalman bhi samjhata tha.
ab Main aur bhi indian hoon, ek sindhan jis ne ek punjabi fauji se shaadi ki, hamara jamai sindhi-parsi hai, bahu jain aur hum sab gujarat mein rahete hain!! saara hindustan hua hamara na?

Main pali bhari videsh men. is ka matlab?
ek overseas indian mansikta (mentality) jo hindustan ko nashili ankhon se dekhti hain, bachpan ka alarrpan yaad karti hai and bharat ki kamiyaan zyaada nazar aati hain.
isliye khush naseeb hoon ki 13 saal ki umar mein hi wapas lauti.

march 1963 mein Bharat mein hamara swagat anokha hua. Hame Poona bhejne se pahele, Chachaji ne Bombay ke nazaare dikhaye. Sabse yaadgar raha Land’s End, jahan majoor darya mein pathar, kankar aur reti dhal rahen the. aaj who land’s end Nariman Point ke naam se jaani jaati hain, Mumbai ki sabse kimti ilaka. .
shaam ki gadi se Poona paunche and thak ke so gaye. subha savere maami ne jagaaya:
udho. aaj nal mein paani nahi hoga. bhar ke laana hoga.
pyjama suit chappal pahene, nani ke ghar ke pechhe ki diwar tapke a school compound mein pahunche jahan pe kuan and handpump tha. wahan pani ki lambi queue thi.
Tab to nahi magar baad mein khayal aaya
“wah kya baat hain. yeh hai hamara hindustan. kahin pe zameen ban rahi hai and yahan paani kuen se khinchna pad raha hai”.

school college hindustan mein padhi to yahaan ka mahaul and anubhav payee, kuch asliyatein jaani. kaee bhar sochti hun mujhe hindustani banane mein kis kis ks haath tha.
Sab se pahele to mere pitaji jo saari umar videsh mein to rahe magar kabhi apna indian passport nahi badla.
Poona mein college debates, khule dimaag se har vichar dhaara ke budhi jeevon ko sunna
Punjabi se shaadi jisne mujhe ek nayee fauji duniya dikhaee. Aaj bhare fakr se main kehti hoon main Fauji mahila hoon, mere parivaar ke 3 mardon meinse 2 fauj mein rahe.
Rishtedaron se door Ahmedabad mein baste hue, working woman ke saath saath ghreheri aur maa bhi ban na; aap sab in ehsaason se wakif hain aur jaante hain ki yeh hume kaise allah ke diye hue har hunar ko tarashna sikhate hain
Mere apne hindu dharm ke khoj ne
School ke baad hi patrakaari, bank and embassy mein naukriyan, gas agency chalana aur ak aisa unit chalana jis ne mujhe pehchaan karayi hamare bicchede hue dastakaaron se, who bunkaar, kalakar, tarashkar, jo neech jaati kahalaate hue bhi kya lajawaab khubsoorti paida karte hain. phir patrakaarita mein lauti
Ab Patrakaar banke mein hindustan ki vishaalta aur uske lakhon paheluon se wakif hui. Is desh ki unginat mushkilon ko jaana aur dekha ki log unse kaise kaise junj rahe hain.
Riti riwaaz se sadiyon se seencha hua hamara paryavaran aaj doob raha hain. usko dekh kar main ne ek pushtika tyaar ki DIY Environmetn Conservation. pe
Main ne paaya ki mera Hindustan shaan se aage badh raha hain, 21 sadvi mein; saath saath apna purva bhi liye chala hai; Aur usko chamkaane ki koshish bhi jaali hi hai.
25 saal tak patrakaar rahekar chhor diya. creative writing shuru kee. Un 25 salon ki bahut emiyat thi meri MAIN ke liya, mere vichar and lekhni ko tarash ne mein.

No comments: